Actualités

Fandaharanasa �Go Teach� Nohavaozina mandritra ny 12 volana

Actualités
Alakamisy 22 Janoary 2015

Nahafa-po ny fampiharana ny fandaharanasa �Go Teach Madagascar� tao anatin�ny 5 taona niarahan�ny DHL sy SOS Villages d�Enfants Madagascar nanatontosa. Programa noforonina teto Madagasikara tamin�ny taona 2009 ary misandrahaka manerana ny firenena 24 ankehitriny ary hotohizana hatramin�ny taona 2018.

Nohavaozina mandritra ny herintaona kosa izany ho an’ny firenena malagasy mandritra ity taona 2015 ity. Mitentina 27.000 euros ny famatsiam-bola hanatanterahana ny tetikasa fanomanana arak’asa ireo zatovo ao anatin’ny 12 volana. Notolorana diplaoma mari-pankasitrahana ihany koa ireo tanora 9 mianadahy avy eto Antananarivo sy Toamasina nahavitra ny fianaran’asa tamin’ny taona 2014 nandritra ny lanonana fifanaovan-tsonia teo amin’ny tale jeneralin’ny orinasa DHL Madagascar Rakotondraibe Mamy sy ny filohan’ny filankevi-pitantanan’ny fikambanana SOS Villages d’Enfants Madagascar Raharinarivonirina Maria teny Ankorondrano omaly. Miisa 4 ankehitriny ireo tanora avy amin’ny SOS Villages d’Enfants miasa raikitra ao amin’ny DHL Madagascar. Mahatratra 70 indray izy ireo no nahazo traikefa hatramin’ny taona 2009.