Actualités

Fanatsarana ny tontolon'ny kabary 10 mianadahy niatrika fiofanana manokana

Actualités
Alarobia 05 Aprily 2017

Mba hahafahana mampitovy ny rafitry ny kabary eto Madagasikara dia mpampianatra mpikabary am-polony maro no niatrika fiofanana manokana ary notolorana ny mari-pahaizana avy amin�ny minisiteran�ny kolontsaina ny faran�ny herinandro teo.

Ny Federasionan’ny mpikanto ny teny sy ny soratra no tompon’antoka tamin’izany. Anisan’ny voakasika ireo mpampianatra mpikabary 20 mianadahy mianaka avy eo anivon’ny Ampinga izay fantatra amin’ilay teny filamatr’izy ireo manao hoe : “hampandroso hatreny ifotony ny teny sy ny soatoavina Malagasy”. Tanjon’ny Ampinga raha araka ny fanazavan’ny filohany Mitahirifahendrena ny mba hahafahan’ireo mpampianatra ao aminy manatevina hatrany ny fahaiza-manaon’izy ireo. Ankoatra ireo toerana fampianarana kabary telo sahaniny eto an-drenivohitra mantsy( LTP Alarobia, ANS Ampefiloha, Lycée privée Phanoelly Talatamaty) dia hanitatra any amin’ny faritra ihany koa izy ireo amin’ity taona ity ka ny roa any Antsirabe raha eto Antananarivo ihany ny telo ambiny. Tsiahivina fa mampianatra kabary maimaimpoana ho an’ireo izay liana Ny Ampinga.

Pati