Actualités

Partagé sur :
• facebook

Noho ny fandrosoan’ny teknolojia dia maimaimpoana ny sary azo avy amin’ny zanabolana Landsat ary maro hatrany ny karazana sy antontam-baovao izay azo ao amin’ny tranonkala.

Izany indrindra no anton’ny tetikasa an’i World Resources Institute (WRI) sy ny governemanta Malagasy izay manana tanjona hamadika haingana dia haingana ny vaovao ho lasa fahalalana manampy amin’ny fanapahan-kevitra. Noho izany dia novokariny ny Alerte-deforestation (Glad-Alert) ho an’i Madagasikara izay fitaovana mampiseho ao anatin’ny fotoana fohy ny toerana itrangan’ny fanapahana ala manerana ny Nosy. Tsara kokoa ity fitaovana nampahafantarana tetsy amin’ny Hotely Colbert omaly alakamisy 18 oktobra  ity mihoatra ny Alerte Feux izay efa nahazatra, satria lasa efamira 30 m no habe kely indrindra voatily; izany hoe mitombo avo 9 heny amin’ny teo aloha satria mihamadinika ny antsipiriany asehon’ny sary ka ahitana mazava sy marina kokoa ny zava-mitranga ao anaty ala ao. Ankoatr’izay dia mihamalaky ny fahazoana ny vaovao satria eo amin’ny  herinandro eo farafahelany izany ka mampihena ny fisalasalana amin’ny fandraisana andraikitra. Amin’ny alalan’io  teknolojia avo lenta sy ny zanabolana  Malagasy io no  handrefesana sy hanaraha-maso ny faritra rakotr’ala ary ny Malagasy rehetra dia afaka misitraka izany amin’ny alalan’ny fidirana ao amin’ny tambajotra https://mdg.forest-atlas.org/map?l=fr.

Tsirinasolo

Tia Tanindrazana

Samia mijoro ho an'i Gasikara.