Actualités

Fanamboaran-dalana eny Atsimondrano Hitohy eny Anosizato sy Ampitatafika, hoy i John Elite

Actualités
Alatsinainy 02 Febroary 2015

Aorian�ny asa fanamboarana ny lalana eny Itaosy izay miala eo Andranonahoatra mihazo an�Anosimasina, kaominina Bemasoandro dia hitohy eny Avarabohitra sy Anosizato ary

Ampitatafika indray ny asa fanamboarana raha araka ny fanazavan’ny solombavambahoaka voafidy teny Atsimondrano Randriarimalala Harijaona na i John Elite. Fisaorana lehibe no nentiny ho an’ny minisitry ny fotodrafitrasa sy ny fanajariana ny tany Rakotovao Rivo tamin’ny nanekeny hamatsy vola ny asa. Tsy misy izay tsy mitaraina amin’ny fitohanana ateraky ny haratsian’ny lalana eny Atsimondrano ny mponina izay marihina fa tsy misy ora intsony fa amin’ny fotoana rehetra mihitsy. Ankoatra izay, nomarihiny ihany koa fa ilaina ny fanitarana ny lalana miditra eo Anosizato noho ny fahatereny saingy mbola ilana tetibola izany ambony dia ambony izany, hoy hatrany izy. Nampanantena ny hiady ho amin’izany ny tenany amin’ity taona 2015 ity ho tombontsoan’ny rehetra.