Actualités

Fanakorontanana teny amin�ny Bianco �Fa taiza Ravoavy sy Florens ? �, hoy i Alain Andriamiseza

Actualités
Alatsinainy 10 Aprily 2017

Tsy tapitra hatreo ny resaka momba ny zava-niseho teny amin�ny Bianco Ambohibao ny herinandro lasa teo, izay nisian�ny herisetra sy ny fikomiana nentina nitakiana ny famoahana an�i Claudine Razaimamonjy.

Nitondra ny heviny ny mpanao politika Alain Andriamiseza avy amin’ny mpanohitra ny sabotsy lasa teo, ka nametra-panontaniana hoe taiza ry Kolonely Ravoavy sy Jeneraly Florens Rakotomahamanina no tsy nijery ireny toe-javatra ireny kanefa rehefa ny mpanohitra no mihetsika dia mailaka ery mandrava izany ? Hatreto tokoa dia tsy mbola nandrenesam-peo ireto tompon’andraikitra, izay matetika no tsy miandry ela manao fanambarana rehefa misy ny hetsika mifandraika amin’ny fihetsiketsehana tsy nahazoana alalana tahaka ireny ? Nahazo baiko avy amin’ny tompon’ andraikitra ambony amin’ny tsy tokony hisakanana ny hetsika sa kosa nisy zavatra hafa natao ? Miseholany ny tombo sy hala eto amintsika ary anisan’ny miteraka tsy ny tsy fahatokisan’ny vahoaka ny mpitandro ny filaminana ny fanaovana tombo sy hala. Andrasana izay ho valin-tenin’ny eo anivon’ny mpitandro ny filaminana sy ny fandraisana andraikitra manoloana iny toe-javatra iny. Andrasana ihany koa ny fanambaran’ny Antenimierandoholona satria ny lefitr’ity andrim-panjakana ity mihitsy, dia i Riana Andriamandavy VII mihitsy no nitarika ireo mpikarama an’ady sy nanao toetram-boto teny an-toerana.

Toky R