Actualités

Fanafihana mitam-piadiana Voasambotra ihany i Maka

Actualités
Alatsinainy 13 Oktobra 2014

Nisy jiolahy nanafika ny sekolin-dry masera Notre Dames de Lourdes ao Toamasina omaly maraina tokony ho tamin�ny 6 ora sy sasany. Jiolahy efatra no nanafika ireo masera eo am-piomanana hivavaka maraina tao amin�ny sekoly, ka lasa tamin�izany ny vola 40.000 Ar. Nihevitra ireto jiolahy fa be vola ny sekoly amin�izao fidiran�ny mpianatra izao

Toy ny hita amin’ny horonan-tsarimihetsika ireny ny zava-nisy, satria nanao tari-dositra sady nanapoaka basy ireto jiolahy, saingy mailaka koa ny mpitandro ny filaminana avy amin’ny UIR (Unité d’Intervention Rapide) sy mpivavaka vao maraina iray mpiasan’ny ladoany avy eo anivon’ny BMS (Brigade Mobile de Surveillance). Nanomboka teo amin’ny sekoly Notre Dames de Lourdes hatrany amin’ny trano fandraisam-bahiny « H1 » « cité des douanes » ny fifanenenjehana ka nahatraran’ity mpiasan’ny BMS ity sy ny mpitandro ny filaminana an’i Maka, anisan’ireo mpitarika ny fanafihana mitam-piadiana ao Toamasina, efa fantatry ny olona notafihany amin’ny holatra eo amin’ny handriny sy ny masony ary ny tarehiny, tratra tany aminy koa ny basy PA vita gasy sy bala na « chevrotine ». Tratra niaraka taminy koa ilay mpamily mpiray tsikombakomba aminy miasa eo anivon’ireto masera. Ny tolakandro kosa no nisamborana ny 2 lahy ambiny tamin’ireo jiolahy. Efa eo am-pelatanan’ny polisy misahana ny heloka bevava ny raharaha.