Actualités

Fanafihana mitam-piadiana Jiolahy 6 voasambotra tao Ambatomanga- Arivonimamo

Actualités
Alarobia 03 Desambra 2014

Ravan�ny zandary avy ao amin�ny tobin-janaparitra Ambatomanga, Distrikan�Arivonimamo ny andian-jiolahy mpanao fanafihana mitam-piadiana amin�iny faritra iny

. Nanafika tao amin’ny fokontany Imerina Avaratra, Kaominina Ambatomanga, izy ireo ny misasakalin’ny 05 novambra 2014. Trano roa no lasibatra tamin’izany ka nahaverezana vola mitentina efatra hetsy sy roa tapitrisa Ariary miaraka amina kojakoja sy zavamaneno ary finday. Basim-borona iray sy ody gasy maromaro no netin’izy ireo nanafika tamin’izany. Tsy nisy kosa ny aina nafoy. Rehefa nanao ny fanadihadiana ny zandary avy ao amin’ny tobin-janaparitra Ambatomanga dia tovolahy iray 23 taona no nosamborina ary ity farany no nitonona ny namany izay miisa 05. Nosamborina ny 26 novambra 2014 hariva tao Ambatomanga ireto jiolahy ireto ary natolotra ny fitsarana ny 01 desambra 2014 teo ary efa notazonina am-ponja vonjimaika.