Actualités

Fanabezana sy fampianarana Efa tena miezaka ny fanjakana, hoy ny filoha

Actualités
Zoma 09 Septambra 2016

Tany Miarinarivo-Itasy no nanamarihana tamin�ny fomba ofisialy ny faha-50 taonan�ny andro iraisam-pirenena ho an�ny fahaizana mamaky teny sy manoratra omaly alakamisy 8 septambra.

“Mamaky ny lasa, manoratra ny ho avy” no lohahevitra tamin’ity taona ity, zava-dehibe tokoa ho an’ny tsirairay sy ho an’ny fampandrosoana ny firenena ny fahaizana mamaky teny sy manoratra, hoy ny filoha Hery Rajaonarimampianina, izay tonga tany an-toerana omaly. Nampahatsiahy ny ezaka ataon’nyfitondram-panjakana eo amin’ny sehatry ny fanabeazana sy ny fampianarana ny filoha. Eo, ohatra, ny fandraisana mpampianatra FRAM, ny fizarana fitaovam-pianarana ho ana mpianatra 4,5 tapitrisa manerana ny nosy. Notokanana io omaly io tao Miarinarivo ihany koa ny biraom-paritry ny mponina sy ny fiahiana ara-tsosialy ary ny fampiroboroboana ny vehivavy. Handinika sy hanadihady ireo raharaha mahakasika ny vehivavy sy ny ankizy ity sampandraharaha iray ity ary hojerena manokana ny mahakasika herisetra ara-nofo mahazo ny ankizy, hoy ny minisitry ny mponina, Onitiana Realy.

Nangonin’i RTT