Actualités

Fanabeazana ara-panatanjahantena Betsaka ireo sekoly tsy manana mpampianatra

Actualités
Alatsinainy 25 Aprily 2016

Mbola betsaka ireo sekoly tsy manana mpampianatra ara-panatanjahantena eto Madagasikara, raha tokony hanana mpampianatra ara-panatanjahantena iray ny sekoly iray na miankina na tsy miankina amin�ny Fanjakana.

Ankoatra izay dia mbola mahatratra 100 ihany koa ireo mpampianatra ara-panatanjahantena tokony mbola horaisina ho mpiasam-panjakana. Hatramin’izay mantsy dia mbola 500 monja ny isan’izy ireo izay efa nisy nivoaka nandeha nisotro ronono ny sasany. Vokany, mihena an-toerana hatrany ny isan’ ireo mpampianatra ara-panatanjahantena eto amintsika, antony nitsanganan’ny SPEPS (Syndicat des professeurs d’éducation physique et sportive à Madagascar) tamim-pomba ofisialy ny faran’ny herinandro teo, misy mpikambana folo tarihin’ny filoha nasionaliny Razanajatovo Bruno Lando. Antom-pijoroan’ny sendika ny hiaro ny zon’ireo mpampianatra ara-panatanjahantena manerana an’i Madagasikara. Nanatanteraka fivoriana teto an-drenivohitra ny mpikambana rehetra avy any amin’ny faritra ny sabotsy teo, fotoana nanatanterahan’izy ireo fihaonambe nentina nitadiavana paikady ihany koa.

Pati