Actualités

Fampiroboroboana ny mozika nentin-drazana Miala any ny Jery Studio

Actualités
Alakamisy 02 Oktobra 2014

Ho fampiroboroboana ny mozika nentin-drazana sy fampivoarana ny sehatry ny kanto eto Madagasikara dia niezaka nitady ny tsaratsara kokoa hatrany ny mpanakanto ka misokatra manomboka izao etsy Avaradoha ny Jery studio

Vokatry ny fiaraha-miasan'ilay mpanakanto fanta-daza eo amin'ny sehatry ny fitendrena valiha Rajery sy ireo mpiara-miombon’antoka aminy, indrindra fa ny fitiavany ny kanto no anton’izao raha ny voalazany. Efitra roa samy arifomba sy efa misy ny fitaovana rehetra ilaina no miandry ireo izay te hilalao ny mozika ao amin'ny Jery Studio. Fanohizana ny fiandraiketana ireo hira rehetra ho vakoka, fampiofanana ireo teknisianina sy ireo artista ho matihanina hatrany no tena tanjony raha ny voalaza hatrany. Afaka mifampizara traikefa amin'ireo namana na eto an- toerana na avy any ivelany ireo izay liana. Raha ny fantatra dia hisy ihany koa ny fanondrotana ireo mpanakanto vaovao ataony aoriana kely. Mirary dia mirary ny fandraisana anjara ao amin’ity trano famokarana ity raha ny nambarany ka miandry ny mpilalao rehetra ny tenany.