Actualités

Famonoana polisy tany Fenoarivo Atsinanana Olona 21 no nampidirina am-ponja

Actualités
Alarobia 12 Desambra 2018

Raha 18 ireo olona nampidirina am-ponja vonjimaika rehefa nandalo ny fampanoavana tao Toamasina ny alatsinainy lasa teo mikasika ny raharaha nahafatesana polisy miiisa 3 tany Fenoarivo Atsinanana izay niharana ny fitsaram-bahoaka dia tafiakatra 21 izy ireo amin`izao fotoana izao .

Ny iray kosa nahazo fahafahana vonjimaika . Miandry ny fitsarana azy ireo ireto voampanga ireto raha ny vaovao avy any Toamasina. Saika samy tao Ambodihazinina Fenoarivo Atsinanana sy manodidina azy koa moa no nisamborana voarohirohy sy voafatotra tamin`ity raharaha ity nahafantesana polisy telo ity. Raha hiverenana ny tranga niseho dia polisy inspektera hamita iraka hanara-maso sy hanao tatitra momba ny lavanila any an-toerana no niarahana ny fitsaram-bahoaka ireo ny 24 oktobra 2018 lasa teo . Taorian`izay dia samy nametraka ny fitoriana teo anivon`ny fitsarana ny fivondronan`ny inspektera eto Madagasikara , ny fikambanana samihafa, ny fianakavian`ireo namoy ny ainy hatramin`ny minisiteran`ny filaminam-bahoaka izay nanambara ny fanamelohany tanteraka ny fomba nitrangan`izany. Mitohy ny fanadihadiana sy ny famotorana.

Marigny A.