Actualités

Famonoana mpivady frantsay Zandary am-perinasa no atidoha

Actualités
Zoma 19 Febroary 2016

Mivoatra ny raharaha mikasika ny famonoana an�ilay vazaha frantsay Thorin Sylvain sy Dr Razafindrazanabary Marinette vadiny, nitranga tany Antsiranana ny 13 febroary 2016 teo.

Araka ny loharanom-baovao akaiky ny mpitandro ny filaminana dia dimy lahy no tafiditra amin’ity raharaha ity, ka zandary am-perinasa ny roa, sivily ny roa ary miaramila ny fahadimy. Olona iray, miaramila taloha no efa voasambotra. Mitohy ny fikarohana ireo efatra. Nikasa hidina an-dalambe ireo teratany vahiny monina ao Antsiranana omaly, manoloana ny ambaran’izy ireo fa tsy fihetsehan’ny manampahefana momba iny raharaha iny. Ny Borigady misahana ny fikarohana momba ny heloka bevava ao Campard – Antsiranana no mandray an-tanana ny raharaha.

Jean D.