Actualités

Famokarana herinaratra Mbola manjaka tokana ny Jirama

Actualités
Alatsinainy 02 Febroary 2015

Miankin-doha tanteraka amin�ny Jirama ny tokantrano Malagasy, raha ny valin�ny fanadihadiana niarahan�ny Instat sy ny Banky iraisam-pirenena tamin�ny volana desambra 2014 no asian-teny

. Fantatra fa ny 50,3%-n’ireo tokantrano 1.517 nohadihadiana no mampiasa herinaratra ao amin’ny trano fonenan’izy ireo. Ny 87,7% amin’io salan’isa no manjifa ny tolotra aroson’ny orinasa Jiro sy Rano Malagasy. 75% izy ireo no mpanjifa an-tanàn-dehibe raha 37% kosa eny amin’ny tontolo ambanivohitra. Ambaran’ny tatitra moa fa mamokatra ny 96%-n’ny herinaratra an-drenivohitra sy ny 78,1%-n’ny tanàna ivelan’ny tanàn-dehibe ny Jirama. Voaresaka ao ihany koa fa nanodidina ny 44,2% ny salanisan’ny tokantrano niharan’ny delestazy isan’andro nandritra ny herinandro mialoha ny fanadihadiana ka ny tokantrano eny ambanivohitra ny 52,4% tamin‘izany. Tsy latsaky ny 6 ora ny fahatapahana. Tena manjaka tokana izany aloha hatreto ny Jirama saingy vonona ny hividy lafo ny herinaratra ny 47,2%-n’ireo tokantrano nanontaniana raha mihatsara ny tolotry ny kalitao omen’ny ity orinasam-panjakana ity.