Actualités

Famokarana angovo Ho avy ny orinasa Dangote

Actualités
Alakamisy 10 Martsa 2016

Nodinihina naharitra nandritra ny fihaonan�ny filohan�ny Repoblika Hery Rajaonarimampianina sy ny Tale jeneralin�ny orinasa

nizerianina Dangote, Serigne Aramine Mbacke teny amin’ny lapam-panjakana Iavoloha omaly ny resaka famokarana angovo eto Madagasikara. An-dalam-pamolavolana ny tetikasa iarahan’i Madagasikara sy ny Dangote miasa, momba izany izay heverina ho vita ato anatin’ny iray volana eo. Ny hitady fiaraha-miasa amin’i Madagasikara no anton-dian’i Serigne Aramine Mbacke teto.

Malaza amin’ny famokarana simenitra, siramamy, fitaterana indrindra ny solika sy akoranafo ny orinasa Dangote. Teratany nizerianina, mpanankarena indrindra aty Afrika no tompony. An-dalam-pananganana foibe fanadiovana solitany anisan’ny lehibe indrindra aty Afrika ny orinasa, izay haorina any Nizeria ary mamokatra 650.000 barils isan’andro, ary kendrena hovitaina amin’ny 2018.

Jean D.