Actualités

Famindran-toerana ny Bani Tsy manaiky ny miaramila ?

Actualités
Talata 27 Oktobra 2015

Herinandro vitsivitsy lasa izay dia notaterina tamintsika fa marisarisa ny hanome ireo frantsay nahazo ny fitantanana ny seranam-piaramanidina eny Ivato sy ny any Nosy be indray ny fanjakana malagasy

. Araka ny vaovao voaray dia ny eo anivon’ny foloalindahy no marisarisa ka ny lehiben’ny tafika ana habakabaka, hono, no tsy mazoto. Ao anatin’ny fifanarahana mantsy dia tokony hisy fanitarana atao eny amin’ny seranam-piaramanidina Ivato ka mila hakisaka ny tobin’ny miaramila Bani. Vao naheno izany anefa ireo mpanamory fiaramanidina malagasy izay efa mpandeha any ivelany any dia nihazakazaka tany amin’ity lehiben’ny tafika ity ka nanoro hevitra azy tsy hanaiky ny fanakisahana ny tobin’ny Bani. Raha ny zava-misy eran-tany mantsy, hoy ireo mpanamory malagasy dia tsy maintsy misy toby miaramila hatrany akaikin’ny seranam-piaramandina iraisam-pirenena. Mandeha ny feo fa saika hotambazana vola 21 tapitrisa euros sy toby miaramila vaovao ho an’ny Bani ny fanjakana fa ny miaramila no tsy nanaiky. Mihazohazo noho izany ireo orinasa frantsay tokony handray ny fitantanana an’i Nosy be sy Ivato kanefa efa misy rangopohy tokony hatao ato ho ato.

Andry Ratovo