Actualités

Famerenan-danja ny vaky boky Tafiditra ao anatin’ny «fanekem-pandaharan’asa»

Actualités
Alakamisy 20 Febroary 2020

Anisan’ireo fifanekem-pandaharan’asa (contrat programme) nataon’ny minisiteran’ny serasera sy kolontsaina tamin’ny filoham-pirenena ny famerenana ny vaky boky any an-dakilasy.

Tsorina fa tsy azon’ny mpianatra, indrindra ny any amin'ny faritra hatreto ny maha zava-dehibe, ilana ny vaky boky sy ny soa azo avy aminy. Nidina ifotony noho izany ny fitaleavam-paritry ny serasera sy ny kolontsaina any Atsimo Atsinanana, niaraka tamin’ny tompon’andraikitra (CLAC) nitondra fampahafantarana ny antom-piasan’ity «fanekem-pandaharan’asa» (contrat programme) iray ity, sady nanazava ny soa azo avy amin’ny fitiavana vaky boky. Tao amin’ny kilasy famaranana tao amin’ny Lyéee Tata Max any an-toerana no nanombohana izany. Hitohy amin’ny kilasy hafa izany noho ny fahasamihafan’ny fahatakaram-pahalalana. Niaraha-nanapaka tao fa hiaraka hanovo fahalalana ao amin’ny CLAC ireto mpianatra ao amin’ny kilasy famaranana ireto isaky ny sabotsy maraina, miaraka amin’ny talem-paritry ny serasera sy ny kolontsaina.

Toky R