Actualités

Fako vita fety Henjana ny asa miandry ny kaominina

Actualités
Talata 03 Janoary 2017

Henjakenjana ny asa fanadiovana miandry ny kaominina Antananarivo renivohitra (CUA) nanomboka omaly amin�ny fanalana ireo fako eto an-drenivohitra

. Nitombo avo telo heny tamin’ny mahazatra mantsy izany raha ny fako hita teny Tsaralalana, Pavillon ary Analakely sy ny manodidina indrindra taorian’ny fetin’ny faran’ny taona sy taom-baovao. Ho an’ny faritra Tsaralalana manokana dia ireo vakina tavoahangy, baoritra mofomamy, taratasy fanonina fanomezana, sobika miampy tranon-tsakafo plastika maro samihafa no tena nameno ny tanàna. Ny kesika tranom- boankazo efa lany, ny potin-kanina miampy bozaka…ny harina nampiasaina avy nanaovana masikita… kosa no tena nameno ny tetsy amin’ny pavillon Analakely arahin’ny rano maloto miandrona etsy sy eroa nateraky ny ranon’orana. Omaly vao maraina araka izany dia efa nirotsaka nanadio sy nanara-maso ny teny amin’ny manodidina ny mpiasan’ny kaominina hahafahana mamerina ny fahadiovan’ny tanàna amin’ny laoniny. Ankoatra izay dia fantatra ihany koa fa manomboka mivangongo izaitsizy ny fako eny amin’ny tsenan’Anosibe amin’izao fotoana izao. Ny hoditra voankazo toy ny manga, ny lodisia no tena betsaka amin’izany fako izay hiangona nandritra ny fety ihany koa ary mila fikarakarana maika.

Pati