Actualités

Fakana � Transformateur � teny Manakambahiny Nifandona ny mponina sy ny Emmoreg

Actualités
Zoma 29 Aprily 2016

Nangotraka ny fifandonana teo amin�ireo mpitandro ny filaminana avy amin�ny Emmoreg sy ny mponina teny Manakambahiny omaly.

Tsy nanaiky mantsy ireto farany fa nanakana ny fakan’ ny orinasa JIRAMA ny « transformateur »-n’izy ireo izay hafindra mba hamatsy herinaratra ireo mponina eny Ambodin’Isotry. Nisy ny fandravan’ny Emmoreg ny sakana nataon’ny mponina nandritra izany izay niafara tamin’ny fandatsahana baomba mandatsa-dranomaso. Tsy nahatohitra izany ireto farany ka tafiditra soa aman-tsara ny JIRAMA sy ny mpitandro ny filaminana ary dia lasa ihany ilay transformateur. Raha araka ny fanazavan-dRalaivao, tale teknika misahana ny fitsinjarana ny jiro eto Antananarivo dia tao Manakambahiny no nahitan’izy ireo vahaolana farany satria manana transformateur roa izy ireo izay manana tanjaka 110-220 voltes ny iray raha mahatratra 220-380 voltes ny iray. Itsy voalohany anefa tsy miasa ary tsy misy intsony eto amintsika raha tsy manafatra indray ka tsy maintsy nandraisana fepetra manokana. Tsy afaka hiandry enim-bolana rahateo ireo mponina eny Ambodin’Isotry vao hirehitra jiro. Niandrasana mpitandro ny filaminana mihitsy ny fakana ny fitaovana izay naharitra ora maromaro. Nisy ny fahatapahan-jiro fa omaly hariva ihany dia niverina.

Pati