Actualités

Evato � Farafangana Hanandratra Ampanjaka vaovao ny Zafisoro ?

Actualités
Zoma 25 Martsa 2016

Ho andro miavaka ity zoma 25 martsa 2016 ity ho an�ny foko Zafisoro any Farafangana.

Hisy fivoriambe hotanterahina any Evato, iantsoana ny Zafisoro avy amin’ireo Kaominina miisa 11 any an-toerana. Ireo Ampanjaka enin-dahy, telo troky mifehy ny Zafisoro no mampiantso an’ity fivoriambe ity.

Nisy akony tamin’ny foko Zafisoro ny hetsika fanamafisam-pihavanana teo amin’ny Antefasy sy Zafisoro natao tao Farafangana ny 18 martsa 2016 lasa teo. Nisafotofoto anatiny ny samy Zafisoro noho io, fa hoe tsy nifanarahana ny fandraisan’anjaran’ireo Ampanjaka enin-dahy telotrôky mifehy ny Zafisoro tamin’io hetsika io, hoy izy ireo. Lasa lavitra mihitsy ny raharaha satria tonga tany amin’ny fanonganana azy enin-dahy ireo. Ao anatin’ny fifandaminana tanteraka ny Zafisoro amin’izao, handravonana ny fisamatsamahana. Tafiditra ao anatin’izany ity fivoriambe hatao anio ity, hanandratana Ampanjaka vaovao.

Jean D.