Actualités

Eto an-drenivohitra ny pesta Tsy voafehin�ny Dr Kolo Roger ny minisiteran�ny fahasalamana ?

Actualités
Alatsinainy 17 Novambra 2014

Faritra telo dia Bongolava (Tsiroanomandidy), Alaotra Mangoro (Andilamena) ary Analamanga (Antananarivo I) izao no nahitana trangan�aretina pesta. Malagasy efa roapolo mahery no namoy ny ainy tao anatin�izany

Naninona no tonga amin’izao toe-javatra izao, nefa efa tamin’ny vola aogositra no nandrenesana fisiana trangana pesta tany Bongolava. Tandrevaka, tsy fandraisan’andraikitra, tsy fahafehezana ny asa sa gaboraraka ara-pitantanana mihitsy ? Mampalahelo fa dia ny vahoaka madinika hatrany no tena mitondra faisana. Sa tsy manan-jo mba ho salama izy ireo ? Mampivady ny asan’ny minisitry ny fahasalamana ny praiminisitra Dr Kolo Roger, hatramin’ny nitsanganan’ny governemanta. Mahalana dia mahalana anefa no andalovany etsy Ambohidahy misy ny minisiteran’ny fahasalamana, araka ny fanamarihan’ny mpiasa ao. Izy rahateo toa sahirana mikarakara ireo dahalo niova fo any atsimon’ny Nosy. Sao mba izany aza no miteraka izao firongatr’ity aretina efa tsy fahita intsony eran’izao tontolo izao ity. Sa ilay minisiteran’ny fahasalamana mihitsy no tsy voafehiny ka tokony hanendrena olon-kafa fa mijaly ny vahoaka e ?