Actualités

Distrikan’Andapa Olona 2 namoy ny ainy, 5 tsy hita popoka

Actualités
Alatsinainy 23 Janoary 2023

Olona 2 no namoy ny ainy, dimy tsy hita popoka. Io no vokatry ny fandalovan’ilay rivo-doza Cheneso tany amin’ny distrikan’Andapa nanomboka ny Alakamisy lasa teo.

Ankoatra io dia olona mihoatra ny 1.000 ihany koa no traboina vokatry ny fiakaran’ny rano. Tapaka ihany koa ny lalam-pirenena fahatelo b (RN 3b) vokatry ny fihotsahan’ny tany. Raha araka ny vaovao azo avy any an-toerana dia toerana miisa telo no ahitana io fihotsahan’ny tany io hany ka miaka-bidy avokoa ireo entana any an-toerana, indrindra fa ireo kojakoja ilaina amin’ny fiainana andavanandro. Na izany aza dia efa nanomboka nanamboatra sy nanarina izany ireo tompon’andraikitra any an-toerana hatramin’ny omaly hariva fotoana nahazoanay ny vaovao.
Pati