Actualités

Distrikan�i Betafo Mandravarava ny dahalo

Actualités
Alarobia 05 Novambra 2014

Mandravarava ny dahalo any amin�ny Distrikan�i Betafo. Lasibatra ny Kaominina Soavina sy Mahaiza izay vao nisehoana fanafihana ka nahaverezana omby miisa 9.

Vao tsy ela akory anefa izay no nitrangana fanafihana mitam-piadiana ihany koa tao Imanja Kaominina Alakamisy Anativato ka nahavoatifitra tovolahy iray zanaky ny tompotrano voatafika. Taorian’ny fanafihana dia nodoran’ireo mpananibohitra ny tanàna ka tokantrano telo no ravan’ny afo tamin’izany. Voalaza fa nanodidina ny folo teo ho eo ireo dahalo manafika ary tsy misalasala ry zalahy no mitifitra. Isan’ny faritra mena amin’ny asan-dahalo ny Distrikan’i Betafo ary manampy trotraka izany ny fahatsian’ny lalana any ambanivolo, indrindra amin’izao fotoam-pahavaratra izao. Mandry tsy lavo loha ny mponina any amin’ireo kaominina lavitry ny renivohitry ny Distrika.