Actualités

Partagé sur :
• facebook

Tapaka tanteraka ary dia mitokamonina ny kaominina Antsampandrano, Distrikan’Antanifotsy. Raha ny fanazavan-dRtoa Razanamandroso Georgette, Ben’ny tanàna dia lasa ora 5 be izao amin’ny Moto no hanaovana izany raha toa ka ora 2 monja izany amin’ny main’andro

. Tsy afaky ny fiara intsony ity lalana ity amin’izao fotoana ka any amin’ny kaominina Ambohitopoina no mijanona ny fiarabe, izay mbola 33 kilaometra miala an’Antsampandrano izany. Any no hametrahana ny entam-barotra samihafa ary taterina amin’ny sarety indray avy eo. Miakatra, araka izany, ny masonkarena satria raha miala an’Antanifotsy mankeo Ambohitopoina dia 100 Ariary ny saran-dalan’ny entana iray kilao ary 70 Ariary kosa indray ny itondran’ny sarety ny iray kilao avy eo. Misy fiantraikany amin’ny fidangan’ny vidin’entana, araka izany, ny fahatapahan’ny lalana any amin’ity kaominina ity. Tsy hitan’ny tompon’andraikitra intsony moa ny vahaolona fa dia atsipy any amin’ny izay tandrify azy ny resaka sao mba misy mihaino ihany, hoy ramatoa Ben’ny tanàna. Ny solombavambahoaka roalahy voafidy tao amin’ny Distrikan’Antanifotsy moa raha ny fantatra dia amin’ny antoko TIM ihany no mba efa nandalo nitsidika tany an-toerana tamin’ny fotoanan’ny main’andro ny volana jolay 2014 nandritra ny fametrahana ny biraon’ny zandary tany an-toerana ihany izany fa ny avy amin’ny Mapar dia nanjavona tanteraka hatramin’izao.

Tia Tanindrazana

Samia mijoro ho an'i Gasikara.