Actualités

Disadisa eo amin�ny samy fiarahamonim-pirenena Niditra an-tsehatra ny fanjakana

Actualités
Alarobia 16 Martsa 2016

Mikorontana tanteraka ny fananganana ilay filankevitra ambony miaro ny zon�olombelona sy ny fanjakana tsara tantana na HCDDED anisan�ny andrim-panjakan�ny Repoblika faha-4.

Tsy mifanara-kevitra ny samy fiarahamonim-pirenena ny amin’ny fomba hifidianana ny solontenan’izy ireo ao anatin’ity rafitra vaovao ity. Manoloana ny fifamaliana mahery vaika teo amin’ny samy fiarahamonim-pirenena sy ny fanehoan-kevitra maro manakiana ny fiasan’ny “Commission ad’hoc”, Dia nanapakevitra ny minisiteran’ny Serasera sy ny Fifandraisana amin’ny Andrim-panjakana fa hampiato ny asan’ny “Commission ad’hoc” araka ny andininy faha5 andalana faha3 ao amin’ny didimpanjakana laharana faha 2015925 tamin’ny 09 jiona 2015, mamaritra ny fifidianana ho mpikambana ao amin’ny HCDDED. Hisy ny fiantsoana ny vondron’ny fiarahamonimpirenena hananganana ny “Commission ad’hoc” vaovao hanohy ny fikarakarana ny fifidianana izay ho mpikambana ao amin’io andrimpanjakana vaovao io. Miverina zero araka ny fomba fiteny izany ny fikarakarana ny fifidianana izay ho solontenan’ny fiarahamonim-pirenena ao amin’ny filankevitra ambony miaro ny zon’olombelona sy ny fanjakana tsara tantana.

RTT