Actualités

Diplomaty Malagasy Niampy 13 ireo matihanina

Actualités
Sabotsy 10 Septambra 2016

Nivoaka omaly tetsy amin�ny minisiteran�ny raharaham-bahiny etsy Anosy ny andiany �Ilaina�, diplomaty vaovao miisa 13 mianadahy navoakan�ny sekoly ambony ENAM.

Sambany teo amin’ny tantaran’ny diplomasia Malagasy, raha ny fanazavan’ny minisitry ny raharaham-bahiny, Atallah Béatrice, no nisy famoahana ampahibemaso diplomaty vaovao toy izao tao amin’ny minisitera iadidiany. Efa maherin’ny 150 ireo diplomaty matihanina nandalo tao amin’ny minisiteran’ny raharaham-bahiny. Notolorana ny samboady marika ny maha mpihevi-draharahan’ny raharaham-bahiny azy sy ny fidirany ao amin’ny fianakaviamben’ny minisiteran’ny raharaham-bahiny ary ny maha diplomaty matihanina azy moa izy 13 mianadahy ireto ary nampahafantarina ampahibemaso ny andraikitra hiantsorohany avy.

Mirija