Actualités

Diplaoma sandoka Mpiasam-panjakana ambony 3 indray no tratra

Actualités
Zoma 25 Septambra 2015

Taorian�ny efa nampidirana am-ponja vonjimaika ny tale jeneralin�ny minisiteran�ny asam-panjakana sy ny asa ary ny lal�na sosialy noho ny fampiasany taratasina maripahaizana hosoka dia re indray izao fa mbola misy mpiasam-panjakana ambony 3 hafa voapaingotry ny Bianco noho ny fampiasana diplaoma sandoka sy hosoka ka hatolotra ny fitsarana anio.

Mbola ao amin’ny minisiteran’ny asam-panjakana sy ny asa ihany ny roa amin’ireo olona mpampiasa maripahaizana sandoka ireto, ny iray kosa dia tompon’andraikitra ambony ao amin’ny minisiteran’ny tontolo iainana. Tanjon’ireto olona mampiasa antontan-taratasy hosoka ireto moa raha fintinina ny hampitombo ny gradiny sy ny hahazoany tambin-karama bebe kokoa hatrany. Ireo aloha no tratra fa tsy fantatra izay mbola any ambadika any. Manaratsy endrika tanteraka ny asam-panjakana ambony eto Madagasikara ny zavatra tahaka izao ary mampitotongana ny hasin’izany asa izany. Mpisandoka sy mpanao hosoka ve izany sanatria no mahazo toerana saropady eto amin’ny firenena ? Tsy mahagaga raha mikorosofahana tahaka izao ny fiainam-pirenena. Gaboraraka ny fitantanan-draharaham-panjakana satria olona tsy ampy fahalalana sy fahaizana akory fa misandoka diplaoma na manao tsolotra etsy sy eroa no mahazo toerana ambony sy mitana andraikitra makadiry.

RTT