Actualités

DELESTAZY LAVARENY Mikaikaika ireo mpandraharaha

Actualités
Zoma 31 Oktobra 2014

Tsy misy izay tsy mikaikaika amin�ny delestazy lavareny misy eto amintsika ireo mpandraharaha. Voakasik�izany manokana ireo miasa amin�ny sehatra mila herinaratra toy ny Poissonnerie Manda, orinasa iray mpivarotra ireo karazana hazandranomasina rehetra misy eto amintsika.

Raha araka ny fanazavan-dRazakanavalona Bakoly, tompon’andraikitra voalohany ao amin’ity orinasa iray ity dia tena misedra olana tanteraka izy ireo. Tsy maintsy tehirizina anaty vata fampangatsiahana mantsy ireo vokatra vokarin’izy ireo izay tsiahivina fa haondrana any ivelany ny ankamaroany. Na izany aza dia tsy maintsy miatrika ny asany amin’ny andavanandro ihany izy ireo. Anisan’ny mandray anjara amin’ny tsenaben’ny sakafo sy lakozia izy ireo nanomboka omaly, hitondra ny isan-tokantrano hiala amin’ny rotorotom-piainana sy ny delestazy ka hianoka tanteraka ao anatin’ny sakafo mafilotra toy ny hazandranomasina izay vokariny. Haharitra efatra andro izany, hetsika tanterahina etsy amin’ny lapan’ny kolontsaina sy ny fanatanjahantena etsy Mahamasina.