Actualités

CUA sy ny mpiara-miombon’antoka Manitatra sy manamboatra ny sisin-dalana

Actualités
Talata 09 Aprily 2019

Misy ny fanarenana ireo fotodrafitrasa simba eto amin’ny Kaominina Antananarivo Renivohitra (CUA) toy ny lalana, ny fantsona fandalovan’ny rano maloto, ny fanitarana ny haben’ny lalana sy fanamboarana ny sisin-dalana na ny « trottoir » taorian’ny fotoam-pahavaratra sy fandalovan’ny rivodoza farany teo ireny teto Madagasikara.

Vokatry ny fiaraha-miasan’ny CUA amin’ny alalan’ny GRC na ny sampandraharaha mitantana ny loza voajanahary ao amin’ny kaominina sy ireo mpiara- miombon’antoka izy io. Manatanteraka ny asa ny ARM (Autorité Routière de Madagascar). Ny BEI na ny Banky Eoropeanina momba ny Fampiasam-bola no mpamatsy vola izao asa izao, ka ireo lalam-pirenena eto an-tanàna dia mivoaka ny renivohitra avy eo no anaovana ny asa dia ny lalam-pirenena RN1, RN2, RN3, RN4 ary ny RN7. Natao izany mba hampihenana ny faharefoan’ny mponina (vulnérabilité) sy ny fampitomboana ny fahafahany miatrika ny loza voajanahary (résilience) araka ny fanazavan’ny kolonely Jaona Andrianaivo, tompon’andraikitry ny GRC ny CUA. Hisitraka ny fanatsarana avokoa ny rehetra, indrindra ireo mpampiasa ny lalana dia ireo mpitondra fiarakodia izany.

Toky R