Actualités

Partagé sur :
• facebook

Legende : Faly avokoa ireo vehivavy tompon’andraikitra ao amin’ny Boriborintany faha-efatra nahazo fiofanana

Nanome fampianarana informatika maimaimpoana ho an’ireo olona ao amin’ny Boriborintany fahefatra ny kaominina Antananarivo Renivohitra. Vokatry ny fiaraha-miasa amin’ny mpiara-miombon’antoka  « Orange Solidarité  » no angady nananana  izany toy ny fanomezana ny fitaovana. Vehivavy miisa 54, izay  mpitantana fotodrafitrasa fisotroana rano fisotro madio, na ny AUE ( Association des Usagés de l’eau ),  ao anatin’ny fokontany miisa 32  no misitraka ny  fampianarana.   Fianarana Bureautique toy ny « word sy excel » no nanofanana azy ireo mba ho  fanarahana fenitra ireo firaketana an-tsoratra ny fitantanana ny fotodrafitrasa, hirosoana amin’ny firaketana ara-teknolojika amin’izay na  «  informatisation des données ». Hifarana amin’ny alarobia 29 mey ho avy izao ny  fiofanana, ka afaka handray ny asa vaovao miandry azy avokoa ireo mpiofana ireo.Raha ny nambaran’ny Delegen’ny boriborintany fahefatra, Ramahandrimanana Solofoniaina Daniel, dia hisy indray ny hetsika fizaham-pahasalamana  maimaimpoana hotanterahin’izy ireo ho an’ireo izay  marefo ny sabotsy 18 mey ho avy izao, hiarahana amin’ireo mpitsabo efa matihanina amin’izany,  eo anivon’ny DSH (Direction de la Santé et Hygiène). Tsy  hadinoina koa  ny didimpoitra maimaimpoana faobe, izay iraisan’ny Boriborintany enina mandrafitra ny tanànan’Antananarivo hotontosaina tsy ho ela. Tsiahivina moa fa manodidina ny 50.000  Ar  isam-bolana raha kely ny saran’ny mianatra informatika eto amintsika.

Pati

Tia Tanindrazana

Samia mijoro ho an'i Gasikara.