Actualités

CONSUL DE MONACO Nanolotra kits sportif ho an�ny mpianatra eto an-drenivohitra

Actualités
Sabotsy 19 Novambra 2016

Fomba iray hahafahana manampy ny ankizy sy ny tanora hivelatra ny fanaovany fanatanjahantena.

Mba hahafahana manampy azy ireny dia tonga nanolotra fanamiana sy kojakoja fanaovana fanatanjahantena ho azy ireo ny Consul de Monaco ka ireo sekolim-panjakana miisa 48 eto Antananarivo Renivohitra no voakasik’izany. Vokatry ny fiaraha-miasan’izy ireo tamin’ny minisiteran’ny fanabeazam-pirenena no nahafahana nanatontosa ny hetsika ka ny 28 amin’ireo dia sekoly ambaratonga fototra avokoa raha CEG sy lycée ny 20 ambiny. Hetsika efa fanaon’izy ireo isan-taona ny tahaka izao raha ny fanazavan-dRatianjatovo Mirana, tompon’andraikitra eo anivon’ity Consulat iray ity. Tamin’ny taon-dasa dia sekoly miisa 16 no nahazo tombontsoa ao anatin’ilay tanjona sy teny filamatra manao hoe : ao anatin’ny vatana tomady no misy ny saina matsilo izay sady mahakasika ny ara-panahin’ny mpianatra ihany koa. Efa tamin’ny taona 2010 moa ny Consul de Monaco sy ny minisiteran’ny fanabeazam-pirenena no efa niara-niasa.