Actualités

CFAN Hanampy ireo tanora tsy an�asa

Actualités
Alatsinainy 04 Aprily 2016

Niampy iray indray ireo ivontoeram-pampiofanana eto amintsika hanampy sy hanohana ireo tanora tsy an�asa, indrindra fa ireo tsy manana diplaoma.

Nampahafantarina ny sabotsy teo ny fisian’ny « Centre de Formation professionnelle d’Agent consignataire de Navires” na CFAN etsy Faravohitra. Mampiavaka ity ivontoeram-piofanana ity ny fahafahany mandray an-tanana ireo tanora tsy mba afaka nanohy ny fianarany hatrany amin’ny farany toy ireo nijanona tao amin’ny kilasy fahasivy izay hofanina ho lasa “water clerk” raha ho tonga “agent consignataire de navires” kosa ireo nandalo tao amin’ny kilasy faha-12. Fiofanana matihanina no omen’ny CEFAN amin’izany maharitra telo volana ny teoria ho an’ireo nijanona tao amin’ny kilasy fahasivy raha enim-bolana kosa ho an’ireo nandalo tao amin’ny kilasy famaranana. Mitovy kosa ny fotoana hanaovana ny fampiharana izay samy telo volana avokoa hatao avy hatrany eny amin’ny seranan-tsambo lehibe toa an’i Toamasina. Tombony manokana amin’ity fiofanana ity moa ny fahafahan’ireo tanora mpianatra manao asa tenany fa tsy voatery hiasa amina orinasa hikarama isam-bolana raha mbola malalaka ihany koa ny tsenan’ny asa. Ny sekoly avokoa no miantoka ny lany rehetra amin’ny trano hipetrahan’ny mpianatra sy ny sakafony mandritra ny fotoana hanaovany fianaran’asa any Toamasina.