Actualités

Centre d�Immatriculation Ambohidahy Ravan�ny Bianco ny tambajotra mpanao kolikoly

Actualités
Alakamisy 16 Martsa 2017

Taratasy hosoka, kolikoly amin�ny fandraisana fangatahana hanovana �permis � sy � carte grise � ho bi�metrika.

Betsaka ny olona efa nitondra faisana teo amin’ny CIM (Centre d’Immatriculation Ambohidahy), indrindra amin’ny maha antomotra ny fe-potoana farany hanovana ho biometrika ny karatra fahazoana mamily fiara sy ny taratasin’ny fiara. Nanara-maso ny zava-misy sy fomba fiasan’ireo mpanera sy mpanao kolikoly teny an-toerana ny Bianco, taorian’ny fitarainana voarainy. Nahitam-bokany izany satria dia nisy olona 11 voasambotra, ary nanaovana fanadihadiana teny Ambohibao misy ny foiben-toeran’ny Birao mahaleotena miady amin’ny kolikoly. Natolotra ny fitsarana omaly izy ireo, ka ny roa no notanana am-ponja vonjimaika. Amin’ny 7 aprily no fotoam-pitsarana azy ireo.

Jean D.