Actualités

Boriborintany faha-6 Hangatahin�ireo olom-boafidy ho lasa kaominina manokana

Actualités
Alatsinainy 13 Oktobra 2014

Nilaza ny solombavambahoaka voafidy teny amin�ny boriborintany fahenina eny Ambohimanarina fa tokony hatao kaominina manokana ny eny an-toerana. Araka ny voalazan�izy ireo dia efa mahafeno ny fepetra ho amin�izany ny eny amin�izy ireo

Raha ny antontanisa mantsy dia efa mihoatra ny 175 000 ny mponina eny an-toerana izay fetra tokony hahatongavana ho kaominina manokana. Misy ny sata mifehy ny tanànan’Antananarivo izay mbola mipetraka hatramin’izao ka indraindray dia sakana ho amin’ny fampandrosoana ihany izany. Ny 70 isan-jaton’ny mponina eny Ambohimanarina anefa dia mpamboly avokoa izay tsy mitovy amin’ny fiveloman’ny mponina an-tanàn-dehibe hafa eto Antananarivo renivohitra, hoy hatrany izy ireo. Misy ny orinasa samihafa eny an-toerana saingy ny hetra azo avy amin’ireny dia tsy miverina eny amin’ny boriborintany misy azy ireo raha ny voalaza hatrany. Nomarihany fa dia mahatratra 7 lavitrisa isan-taona ihany koa ny hetra miditra eny amin’izy ireo saingy zara raha misy ny fampandrosoana hita eny amin’ny tanàna. Mahakasika ny fitandroana ny filaminana sy ny loza mety hitranga dia nilaza ity solombavambahoaka ity fa efa misy ny sampana mpamonjy voina sy ny paositry ny polisy afaka miaro ny vahoaka sy ny fananany.