Actualités

Bolongana �Quartz fum� 6 T Nalaina an-tsokosoko tao Tsiroanomandidy

Actualités
Alatsinainy 03 Novambra 2014

Nahoraka tamin�ny faramparan�ny tetezamita, taona 2013 iny ny nahitana mpiandry omby bolongam-batosoa �Quartz fum� milanja 6 taonina tany amin�ny sisintanin�i Tsinjoarivo 22, faritra Bongolava iny. Nifandroritana be io vato io, ary ny niafarany dia nakarina tao Tsiroanomandidy ary napetraka tao amin�ny faritra Bongolava.

Re anefa izao fa dia nisy naka an-tsokosoko io bolongam-bato be mitovy amin’ny fiara 4L io. Andia-miaramila mirongo fiadiana no naka azy tao ny alarobia lasa teo vao mangiran-dratsy. Mifamahofaho be ihany ny resaka, ary izay rehetra nanontaniana dia tsy nanome valin-teny mazava. Ao ny milaza fa napetraka any amin’ny prezidansa ilay vato be, misy koa anefa ny loharanom-baovao milaza fa efa lafo 4 miliara (?) amina mpandraharaha sinoa io “Quartz fumé” io. Andrasana ny fanazavan’ny minisitera eo ambany fiahian’ny fiadidiana ny Repoblika misahana ny harena stratejika mikasika io harem-pirenena io sy ny fandehan’ny vola, raha toa ka efa lafo tokoa, hialana amin’ny ahiahy tsy ihavanana satria efa be loatra izay harem-pirenena manjavona fotsiny miala eto Madagasikara izay nefa ny vahoaka Malagasy miha mahantra andro aman’alina.