Actualités

Boader�zy tratra tany Hong Kong Sambo avy any Panama no nitatitra azy

Actualités
Talata 20 Oktobra 2015

Mandainga ve ny praiminisitra sa tsy ampy ny vaovao eo am-pelatanany raha nilaza fa tsy nisy intsony ny boaderozy nivoaka an�i Madagasikara ? Nanamafy mantsy omaly ny minisitry ny tontolo iainana Beboarimisa Ralava fa tena boaderozy avy aty amintsika tokoa ireo tratra tany Hong Kong-Sina ny 7 oktobra lasa teo. Bolabola miisa 7 015 ary mitentina 18,5 miliara ariary ireto tratra ireto.

Araka ny fantatra ihany dia sambo Panameanina no voalaza fa niditra an-tsokosoko teto Madagasikara ary nitatitra ireto hazo sarobidy ireto. Efa mandeha ny fanadihadiana momba ity raharaha ity, hoy ny minisitra Beboarimisa Ralava ka ho hita eo ny tena marina. Mandra-piandry izany aloha dia efa nandefa fangatahana any amin’ny CITES na ny fifanarahana iraisam-pirenena miady amin’ny famarotana ireo biby na zava-maniry tandidomin-doza ho ringana i Madagasikara mba hahafahana maka sy mivarotra ireo hazo ireo indray aorian’ny famoahana tolobidy iraisam-pirenena. Ho hita eo moa na hivoaka tokoa ny marina momba ity raharaha ity na hangina tsimoramora tahaka ny trafikana boaderozy rehetra nisy hatramin’izay ihany.

RTT