Actualités

Boader�zy giazana ao Morondava Nitondran�ny �Iraky ny filoha� Srilankey

Actualités
Zoma 15 Janoary 2016

Toy ny vara-datsaka ! Nisy lehilahy iray milaza ho iraka avy amin�ny Fiadidiana ny Repoblika tonga tany Morondava ny alarobia 13 janoary teo.

Nisy teratany vahiny, Srilankey raha ny loharanom-baovao, niaraka taminy. Hizaha maso ireo bolabolana andramena sarona tamin’ny tetezamita ary giazana ao amin’ny foibem-paritry ny tontolo iainana Menabe. Efa voaisa ary mifatotra ireo hazo sarobidy ireo, no tadiavin’ity «iraky ny filoha» ity hovahana fatorana ka haverina hisaina indray. Nandà ny hanatanterahana izany ny tompon’andraikitra sendra azy.

Miverina indray ity resaka boaderôzy ity tato ho ato, ary mifaninana ireo milaza fa iraka avy amin’ny andrimpanjakana. Nalaza ny tany Antalaha farany teo, nisiana manamboninahitra miaramila nitaky vola, sy olona milaza fa mpanolotsaina ao amin’ny Antenimieram-pirenena nifanenjehana tany an-toerana.

Izao indray any Morondava. Ny manaitra tamin’ity tranga iray ity dia fisiana Srilankey, nentina nizaha ireo bolabolana andramena giazana any an-toerana. Hividy ny entana ? Raha eny, nisy tolobidy natao amin’izany ve ? Matoa anefa nandà ny hamahana ny fatoran’ny hazo ny mpiasan’ny foibem-pitondram-paritry ny tontolo iainana Menabe, tsy mahalala ny fisian’io iraka tonga tao Morondava io izy ireo, ary tsy mbola misy tolobidy momba an’izany.

Jean D.