Actualités

Ben�ny tan�nan�i Talatamaty Miantso ny rehetra hifanome tanana aminy

Actualités
Alatsinainy 12 Oktobra 2015

Nahazo ben'ny tan�na hitantana azy indray ireo kaominina manerana ny nosy taorian'ny fifidianana notanterahina ny 31 Jolay lasa teo. Fotoam-pivavahana nentina nisaorana sy nanomezam-boninahitra an'Andriamanitra ho an'ny kaominina

Talatamaty no nisantarana izany ny sabotsy lasa teo taorian'ny fametrahana samboady nataon'ny lehiben'ny distrika teny Ambohidratrimo. Tao amin'ny FJKM Ambohinambo Fiderana no nanatanterahana izany, niarahana tamin'ny Ben'ny tanàna Rado Razafindratsimba mivady sy ireo vahoaka manerana ny fokontany rehetra. "Fa tsy misy fahefana afa tsy izay avy amin'Andriamanitra....fa izay misy dia voatendrin'Andriamanitra", Romana 13 : 1, io no tenin'Andriamanitra novoaboasana nandritra ny fotoana nentina nanoroana hevitra ny vahoakan'i Talatamaty mba hanaiky sy hiara-kiasa amin'ny mpitondra azy. Mbola nohamafisin'ny Ben'ny tanàna izany nandritra ny fandraisam-pitenenana nataony fa vonona ny tenany hisokatra sy hiara-kiasa amin'ny rehetra hahafahana mampandroso ny tanàna. Toraka izany koa ireo malala-tanana sy mpandraharaha ho tombontsoan'ny vahoaka iray manontolo.