Actualités

Bealanana Mazda nanao taingim-be namono olona enina

Actualités
Alakamisy 08 Oktobra 2015

Nandriaka ny ra tamin�ny lalam-pirenena faha-31. Fiara minibus Mazda nitondra olona niala tao Bealanana hihazo an�Antsohihy no tra-doza ny talata teo, tapaka hisatra teo amin�ny fidinan�Ampasantsarety, 45 km miala an�i Bealanana.

Mety nentin’ny hatairana, ny fiara rahateo nisy mpandeha hatrany ambony tafo, ka ny nampidona azy tamin’ny rindrin-tany no safidin’i Philibert, mpamily, nampijanonana ilay fiara. Nivadika ny fiara ary namono olona roa teo no ho eo, ary nandratrana roapolo mahery. Tafakatra enina ireo namoy ny ainy tamin’ny fotoana nandraisana ny vaovao omaly, ka zaza 10 taona no zandriny indrindra amin’ireo ary 75 taona ny zokiny indrindra. Namoy ny ainy tamin’io loza io ny vadin’ny mpamily raha toa ka naratra ity farany. 23 kosa ireo naratra, araka ny fanomezam-baovao avy amin’ny Ben’ny tanànan’i Bealanana.