Actualités

BAZAR DE NOEL 2015 Hanana ny anjarany manokana ny vita malagasy

Actualités
Zoma 18 Desambra 2015

Ny vanim-potoana ankatoky ny Noely sy ny faran�ny taona tahaka izao no fotoana fanolorana fanomezana ho an�ny olona akaiky ny tena

. Kolontsaina iainan'ny maro amin'ny tonon-taona tahaka izao ihany koa ny firariantsoa sy ny fifanakalozana fanomezana, hatramin’izay. Nohatevenin'ny vahiny izany taty aoriana ka tsy vitsy no mividy fitafy vaovao entina miatrika ny fety sy ampifaliana ny ankizy. Tsy latsa-danja amin'ireny ny vita Malagasy. Mba hahafahana manome fahafaham-po ny rehetra ary dia hotanterahina ny 21 desambra ho avy izao etsy amin’ny 67 Ha atsimo ny bazar de noel entina hampirantiana ireo karazana kojakoja sy entana vita Malagasy. Manomboka eo amin'ny Atelier TIKA (akaikin'ny JIRAMA) no hanatanterahana izany mipaka manoloana ny CENAM. Hampiavaka ny hetsika ny fisian’ireo tranoheva maro isan-karazany arahin’ny fanentanana makotrokotroka. Hisy ihany koa moa ny fivarotana tselatra ireo asa tanana Malagasy tena mampalaza antsika. Tsy misy ny vidim-pidirana. Haharitra folo andro ny hetsika. Tsiahivina moa fa ho hita mandritra ity hetsika ity ireo karazana kojakoja vita amin’ny lamba landy. Ny minisiteran’ny kolontsaina sy ny asa tanana no mikarakara izany.

Pati