Actualités

Baka nilentika any amin�ny RN 12A Tapa-bolany aty aoriana tsy mbola nahitam-bahaolana

Actualités
Talata 05 Janoary 2016

Fijaliana no mahazo ireo mpampiasa ny lalana mampitohy ny lalana RN 12A, mampitohy an'i Tolagnaro-Vangaindrano.

Nalentiky ny rano ny baka fiampitana. Samy efa mahafantatra ity tranga ity ireo tompon’andraikitra. Ny ao amin'ny ARM , ny ao amin'ny prefektiora, ny lehiben'ny faritra. Ity farany izay nanao be fiavy nijery tany an-toerana, ary namory avy hatrany ireo voakasiky ny asa: ny ARM/ ny orin'asa mpanamboatra ny lalana ary ny tao amin'ny fiadidian'ny faritra.Nisy ny hevitra tapaka mba hamerenana indray amin'ny laonina ny fifamoivoizana. Hatramin'izao fotoana izao anefa tsy mbola misy ny hetsika, toa kabary nobetsaka fa tsy hita izay asa mivaingana. Ao Ebakika dia mahazo vahana ny fanararaotana ataon'ireo mpanao fitaterana, miakatra andro aman'alina ny saran-dana. Ny lakana iampitana lafo, in-droa no miova fiarakodia hany ka sady lany vola no tra-pahasahiranana ireo mpandeha. Manao antso avo amin'ireo tompon’andraikitra mba hijery sy hamaha ny ity olan’ny baka fiampitana ity ny mpampiasa lalana ao amin'ny Ebakika fa efa tena mijaly.

Rfa