Actualités

Atsimondrano Ho ratsy ny voka-bary amin�ity

Actualités
Alarobia 05 Novambra 2014

Mitaraina ny tantsaha eny Atsimondrano fa tena tara ny fambolena eny Fiombonana, Ankadimanga, Bemasoandro eny Ambohidrapeto noho ny tsy mbola fahatafidiran�ny rano manondraka ny tanimbary eny an-toerana.

Tanimbary 20.000 ha no mbola miandry izany rano izany ankehitriny. Nilaza ny solombavambahoaka Raharimanarivo Voahanginiaina voafidy teny Atsimondrano, fa efa nampahafantatra ny minisitra tompon’andraikitra voalohany amin’ny resaka fambolena momba io toe-javatra io ny tenany, mba hanadiovana sy hampandehanana ny lakandrano saingy noho ny fahataran’ny pitsopitsony ara-panjakana dia tsy mbola vita ny asa ataon’ny mpiantoka hatreto. Vokany, zary maina ho azy ireo ketsa efa nafafy ka ahiana ny vokatra ary ahiana koa aza ny hahadobo-drano indray ity toerana ity raha tena mirotsaka tsy an-kijanona eo ny orana. Ho ratsy ny voka-bary amin’ity fotoam-pambolena ity eny Atsimondrano. Mangataka ny hanorenana barazy lehibe iray manondraka ny tanimbary eny Ambohidrapeto rehetra eny ny tenany.