Actualités

� Assurance retraite compl�mentaire � Mifanolana ny mpiasan�ny Air Madagascar sy Ny Havana

Actualités
Alarobia 06 Aprily 2016

Sasatry ny misedra olana ny mpiasan�ny kaompaniam-pitaterana ana habakabaka Malagasy Air Madagascar. Taorian�ny tsy nahazoan�izy ireo karama �13 mois� miendrika �prime�

fandray rehefa faran’ny taona, tamin’iny 2015 iny dia re indray izao fa manana olana amin’ny resaka fiantohana ny fisotroan-dronono na “Assurance retraite complémentaire” ao amin’ny trano fiantohana Ny Havana koa izao izy ireo. Ny tsy fandrotsahan’ny orinasa Air Madagascar ny latsakemboka hatramin’ny taona 2011 no voalaza fa fototry ny olana, ka nanapahan’ny trano fiantohana Ny Havana ny fikajiana ny zana-bola hatramin’ny 4% tokony ho azon’ny mpisitraka io “retraite complémentaire” io, ho fitsinjovana ny fisotroan-dronono. Vola an-jatony tapitrisa ny an’ny mpiasa no mety hafoy ao anatin’izany. Nivory manokana momba io toe-draharaha io ny teo anivon’ny Air Madagascar ny alatsinainy teo. Raha ny feo re, dia tsy hipetra-potsiny ny mpiasa fa haka mpisolovava hanampy hiady ny tombontsoan’izy ireo.

Jean D.