Actualités

Asam-panjakana Minisitera 11 amin�ny 37 no nahitam-bokatra

Actualités
Talata 21 Martsa 2017

Tsy mitombina ny fomba fijerin�ny Fiadidiana ny Repoblika mandrefy ny dingam-pahombiazana amin�ny isan�ny hetsika fanairana ny mpitondra fanjakana avy amin�ny fiarahamonina sivily, hoy ny sekretera jeneralin�ny CCOC (Collectif des Citoyens et des Organisations Citoyennes),

Hony Radert. Toraka izany ny fanolorana mari-pankasitrahana tsy misy akony akory amin’ny ady amin’ny fahantrana. Ilaina hampidinina ho 6 volana fa tsy 2 taona intsony ny fe-potoana hametrahana ny lalàna fandravonana (loi de règlement) ahafahana manara-maso eo no ho eo ireo tompon’andraiki-panjakana isan-tsokajiny, araka ny tolo-kevitry ny firaisamonim-pirenena. Minisitera miisa 11 amin’ireo 37 moa no nahitana tondro fahombiazana tsara ny taona 2015 raha 4 monja ny taona 2014. Ny 19%-n’ireo tondro fahombiazana napetraky ny governemanta rahateo no tontosa, araka ny tatitra farany navoakan’ny vovonan’ny olom-pirenena sy fikambanana mivoy ny maha olom-pirenena. Tsy nahitam-bokatra mihitsy, ohatra, teo amin’ny lafiny fandaniam-bola sy singa fahombiazana ny minisiteran’ny paositra sy ny fifandraisan-davitra ny taona 2014 sy 2015. Manana adidy goavana ny mpitondra fanjakana amin’ny fijerena ireo antony nampandamoka ny fomba fiasa amin’ny ankapobeny, hoy ny CCOC.

Ramano F.