Actualités

Asa ratsy amin’ny fesiboky Lasibatra ny anaran’ny praiminisitra

Actualités
Alakamisy 26 Septambra 2019

Nanamafy ny fanambarana efa nataony ny eiadidian’ny Primatiora manoloana ny fampiasana ny anaran’ny praiminisitra lehiben’ny governemanta amina asa fisolokiana samihafa, indrindra fa ny tambajotran-tserasera.

Noho ny fahitana fampiasana hosoka eny amin’ireo tambajotran-tserasera izay ataon’ny olona manana fikasan-dratsy, indrindra fa ao amin’ny tambajotra facebook, dia manao fanambarana ampahibemaso, amin’ny anarany manokana sy amin’ny maha lehiben’ny governemanta azy, ny praminisitra Ntsay Christian, fa tsy mbola nanana ary tsy nampiasa « facebook » mihitsy ny tenany, ary tsy tompon’andraikitra amin’izay mety ho fampiasana ny anarana « Christian Ntsay » na « Ntsay Christian » ao amin’izany tambajotra izany, hoy ny fanambarana. Misaotra sy manantena ny fahamalinan’ny olom-pirenena rehetra ny praiminisitra, mikasika io resaka io. Lasibatra hatramin’ny lehiben’ny governemanta izany amin’ny resaka fisandohana sy asa ratsy amin’ny tambajotran-tserasera, izay tokony handraisana fepetra hentitra kokoa ary tsy hasiana tombo sy hala. Mila jerena akaiky ihany koa ny karazana fandranitana sy fanalam-baraka amin’ny endriny maro.

Toky R