Actualités

Antenimierandoholona Misedra olana ara-bola

Actualités
Zoma 16 Septambra 2016

Tamin�ny fivorian�ny birao maharitra dia efa nanapaka ny mikasika raharaha Lilyson ny fitsarana, hoy ny filohan�ny antenimierandoholona,

Honore Rakotomanana, ka noho izany dia anjaran’izay manenjika ny senatera Lilyson no manala ny “immunité parlementaire” ananany. Isika manaja ny fitsipika mifehy ny fehezan-dalàna na ny “principe générale de droit”, hoy ny birao maharitra ary ny fitsinjaram-pahefana sy ny fifampifandanjam-pahefana. Ny antenimierandoholona no mampifandanja ny fahefana. Fantatra io omaly io koa fa somary sarotsarotra ny toe-bolan’ny senatera. Nisy fotoana filankevitra ambonin’ny tetezamita no nisolo azy io. Rehefa lasa io dia vaomiera teknika ihany no teto, hoy hatrany ny filoha. Ny fivahinianana any ivelany aza dia mianto-tena ny filoha lefitra satria izy ihany no afaka misolotena ny antenimiera any ivelany. Averina aminy anefa ny vola rehefa manana ny antenimiera. Nampanantena anefa ny minisitry ny tetibola sy ny fitantanana fa ho ara-dalàna io toe-bola io amin’ny 2017 raha ny fantatra omaly.

Mirija