Actualités

Antanimbarinandriana Manjavona tsikelikely ny fefin�ny zaridaina

Actualités
Alatsinainy 01 Febroary 2016

Hasomparana sa halatra ankitsirano ? Manjavona andro aman�alina ireo fefy vy makarakara nanodidina ny zaridaina Antanimbarinandriana-Boriborintany faha-4, manelanelana ny CEG sy ny Kianjaben�i Mahamasina.

Efa ny antsasany mahery no tsy tazana amin’ny toerany intsony raha ny sabotsy teo. Mahalala io tranga io ny eo anivon’ny Kaominina Antananarivo Renivohitra raha nanontaniana ary mametra-panontaniana ny anton’izao nefa misy kaomisarian’ny polisy tsy lavitra eo. Nanome endrika iny toerana iny ny fisian’ny fefy tamin’iny zaridaina iny. Resaka toe-tsaina mirefarefa, tsy mba tia manan-javatra tsara, indrindra fa fananam-bahoaka raha hasomparana no nanongotana ny fefy teo. Raha halatra kosa dia mendrika sazy henjana izay tratra, na mpangalatra na mpividy halatra, satria fananam-bahoaka no simba. Ny manodidina ihany koa tokony ho saropiaro amin’ireny, satria volam-vahoaka no nanaovana azy ka ilaina ny fifampitaizana amin’ny fikajiana azy ireny.

Jean D.