Actualités

Antananarivo Renivohitra Ny 40 %-n�ny mponina ihany no mandoa hetra ara-dal�na

Actualités
Alarobia 09 Novambra 2016

Tena malaina mandoa hetra ny mponin�Antananarivo Renivohitra amin�ny ankapobeny.

Ny 40 %-n’izy ireo ihany mantsy no fantatra fa mandoa hetra ara-dalàna, hoy Razaoherisoa, tompon’andraikitra iray eo anivon’ny kaominina Antananarivo Renivohitra. Ankoatra izay, misy minia tsy mandoa mihitsy na tsy manana ny hoenti-manana ankoatra ireo matahotra ny hiditra birao. Natomboka omaly talata 8 novambra tao amin’ny lapan’ny lalana ilay hetsika iray volan’ny hetra nokarakarain’izy ireo. Betsaka ireo tonga nanohana ny antso tamin’ny ankapobeny, fanefana hetra izay marihina fa tsy misy sazy. Nambaran-dRazaoherisoa fa raha tsy tonga manefa ny hetrany ireo voakasik’izany hatramin’ny fahavalon’ny volana desambra dia hisy avy hatrany ny fepetra horaisin’ny kaominina toy ny fanenjehana ny tompon’ny trano, araka ny lalàna. Arahin’ny fandoavany sazy izany izay manodidina ny 40 ka hatramin’ny 60 %-n’ny vola tokony haloany. Misy amin’ireo manana trano eto an-drenivohitra no nipetra-potsiny tsy nandoa hetra hatramin’ny taona 2008 no ho mankaty.

Pati