Actualités

Antananarivo Renivohitra Notokanana ireo làlana “Ghandi”

Actualités
Talata 27 Aogositra 2019

Notokanan’ny Ben’ny tanànan’Antananarivo Lalao Ravalomanana sy ny Masoivohon’i Inde Abhay Kumar tamin’ny fomba ofisialy omaly ny lalana Mahatma Ghandi teny

Mahamasina sy Indira Ghandi Tsaralàlana. Ilaina ny fifanajana eo amin’ny mpandeha an-tongotra sy ny mpivarotra, hoy ny ben’ny tanànan’Antananarivo Renivohitra nandritra io fotoana io. Tompon’andraikitra, hoy izy, ny fanjakana mitady vahaolana maharitra ny amin’ny fitsinjovana amin’ny asa fiveloman’ireo mpivarotra nesorina teny amoron-dalana ireo. Nanambara ihany koa ny tenany fa mbola hitohy ny fiaraha-miasan’ny Indianina sy ny kaominina. Nilaza ihany koa ny teo anivon’ny masoivohon’i India fa mbola hanampy an’i Madagasikara amin’ny lafiny fambolena sy fampiofanana amin’ny sehatra maro. Nohazavain’ny tompon’andraikitra Indiana fa olo-malaza sady nahavita be tamin’ny fireneny ireo anarana lalana 2 napetaka teto Antananarivo ireo ary reharehan’izy ireo ny fananana izany satria niady tamin’ny asa fanandevozana.

Tsirinasolo