Actualités

Antananarivo Renivohitra Liana amin�ny fandraharahana ny ankamaroan�ny tanora

Actualités
Alatsinainy 21 Novambra 2016

Liana amin�ny asa fandraharahana ny ankamaroan�ireo tanora eto an-drenivohitra.

Nanaporofo izany ny hamaroan’ireo tonga tetsy amin’ny LMA Ampefiloha ny faran’ny herinandro teo, namarana ilay hetsika herinandron’ny fandraharahana nokarakarain’ny JCI Iarivo sy ireo mpiara-miasa aminy. Anisan’ny tena nivaingana ny fahatongavan’ireo mpandraharaha miisa fito tena goavana eto an-drenivohitra izay nizara ny tantara niandohany sy ny nofinofiny tamin’ireo nanatrika ny fotoana, toy ny mpitantana sady tompon’ny orinasa Vidy Varotra, ireo vehivavy mpisehatra amin’ny fanaingoana tarehy sy fanjairana lamaody, ireo mpanao sakafo kalazalahy eto an-drenivohitra. Tamin’ny ankapobeny dia niainga tamin’ny zavatra kely avokoa izy ireo. Hery nanampy azy tamin’izany ny fitiavana hanao zavatra sy ny finiavana ary ny risi-po. Asa goavana anisan’ny niantsorohan’ny JCI Iariavo talohan’io ny fanatanterahana ilay tetikasa Business Bus izay nitetezany sekoly maro teto an-drenivohitra ny herinandro teo hahafahan’ny mpianatra miditra eo amin’ny sehatry ny fandraharahana rehefa vita ny fianarana.

Pati