Actualités

Ankadivoribe, Mandroseza Hohatsaraina ny fotodrafitrasa famatsian-drano

Actualités
Talata 05 Aprily 2016

Natomboka omaly ny asa fananganana foibe fampiakarana sy fanadiovana ary famatsiana rano fisotro madio ao Ankadivoribe, 11 volana no ho faharetan�ny asa izay iandraiketan�ny Jirama.

Ankadivoribe, Amboanjobe, Mahalavolona, Mandrimena, Iavoloha sy ireo tanàna manodidina no hahazo fihatsaran’ny famatsiana amin’izany. Mponina manodidina ny 50 000 eny Atsimondrano no hahazo tombontsoa mivantana amin’ity fotodrafitrasa vaovao momba ny famatsian-drano ity. Fa napetraka omaly ihany koa ny vato fehizoron’ny fanitarana ny foiben’ny rano etsy Mandroseza, ka afaka 7 volana no ho vita ny asa. Hanome 900 m³ amboniny ho an’ny famatsiana rano an’Antananarivo Renivohitra sy ny manodidina azy izany. Ireo fotodrafitra roa atsangana ireo dia natao indrindra hamaliana ny filan’ny mpanjifa, sady ho fanatsarana ny fahasalamam-bahoaka sy ny fidiovana. Fa ankoatr’izay dia mbola fanirian’ny mponina amin’ny faritra maro eto Antananarivo, indrindra ny tanàna ambony toerana ny fanatsarana ny famatsian-drano sy ny fahadiovan’ny rano zarain’ny Jirama fa efa tena matetika loatra ilay fahatapahan’ny rano, izay tsy misy fanazavana mitombina moa.

RTT